'కాంతార' మూవీ క్లైమాక్స్ సీన్.. అదరగొట్టిన కమెడియన్ నూకరాజు

దిశ, సినిమా: ఈటీవీలో ప్రసారమయ్యే 'శ్రీదేవీ డ్రామా కంపెనీ' లేటెస్ట్ ప్రోమో నెట్టింట వైరల్‌గా మారింది. సుధీర్ రీఎంట్రీతో పాటు రష్మితో కలిసి యాంకరింగ్ చేయడం కలర్‌ఫుల్‌గా కనిపించింది. ఇది కాకుండా ప్రోమోలో కమెడియన్ నూకరాజు పర్ఫామెన్స్ జనాలను విపరీతంగా ఆకట్టుకుంది. 'కాంతార' మూవీలో క్లైమాక్స్ సీన్‌లో రిషబ్ శెట్టి మైండ్ బ్లోయింగ్ యాక్టింగ్‌ను ఈ షోలో రిపీట్ చేశాడు నూకరాజు. అతడి ఇంటెన్స్ పర్ఫార్మెన్స్ చూసిన ఆడియన్స్ ఆశ్చర్యపోతున్నారు. సాధారణంగా యూట్యూబ్ కామెంట్లలో సుధీర్ ఫ్యాన్స్ హంగామా కనిపిస్తుంది. కానీ ఇప్పుడు మాత్రం నూకరాజు యాక్టింగ్‌ గురించే ఎక్కువగా కామెంట్స్ చేస్తున్నారు. 'నూకరాజు పర్ఫామెన్స్ సూపర్.. విష్ యు ఆల్ ది బెస్ట్, నువ్వు కూడా సుధీర్ అన్న లాగా ఎదగాలని మనస్ఫూర్తిగా కోరుకుంటున్నాం' అంటున్నారు. 'ఇలాంటి టాలెంటెడ్ పర్సన్‌ను ఎంకరేజ్ చేయాలి ఫ్రెండ్స్' అంటూ అతనిపై పొగడ్త వర్షం కురిపిస్తున్నారు.